La Scolina rumantscha è eguala a las ulteriuras scolinas da la citad da Cuira. La Scolina pussibilitescha però als uffants da far ulteriuramain emprimas experientschas cun la bilinguitad. Las mussadras discurran tant sco pussaivel rumantsch cun ils uffants, tut tenor la partiziun è quai sursilvan u ladin. Per intgins uffants n’è quai nagut spezial, cunquai ch’els discurran era a chasa rumantsch. Auters uffants da la Scolina han mo pauc contact cun la lingua rumantscha. I dat però era uffants che fan “il bogn” en questa lingua dal tuttafatg estra per els. En la Scolina rumantscha hai numnadamain era uffants dal quartier che discurran per il pli mo tudestg.